Totsiens Martin, ons gaan jou mis, bra!

Vandag is sonder twyfel die laagtepunt van die jaar!

Martin is vanoggend, 10 Oktober 2012 om 02:00 oorlede, of soos hy sou sê, 'uit die vlees uit'.  Ons het 'n briljante musikant, boesemvriend en dierbare mens verloor. Ons is stukkend! Martin het die afgelope 6 jaar vir my baskitaar gespeel. Hy was meer famous as ek. :-) Hy was net so deel van die Jan Blohm brand soos ek. Ons gaan jou mis vriend! Ons is bitter lief vir jou!

Ons gedagtes en gebede is by Martin se ouers en familie, naaste vriende en al sy fans.

Martin is die afgelope 17 jaar musikant en het die baskitaar bemeester.  Hy is in die bedryf bekend vir sy uitstaande talent op díe instrument.  Hy het nie net regoor Suid Afrika al opgetree nie, maar ook in Namibië en dele van Europa, Duitsland, Holland en België.

Martin het jare lank vir Jo Day gespeel, sowel as vir The New Academics en Gents of Leisure. Hy het ook baskitaar gespeel vir die Europese groep Red Point Five Star tydens hulle SA toer in 2009.  Martin het indrukwekkende werk gedoen op verskeie ander sangers en groepe se CD opnames die afgelope jare.

Martin speel die afgelope 6 jaar al vir my baskitaar.  Hy is net so deel van die Jan Blohm brand, as ekself.  Martin het briljante werk gedoen op my laaste drie CD’s en DVD wat opgeneem is voor ‘n lewendige gehoor in 2011.  Hy is ook te sien op verskeie van ons musiekvideos.

Martin speel tans ook in die cover band White Rabbit. Onlangs het Martin en van sy musiekvriende ‘n nuwe groep, Ready When You Are begin.

Buiten dat Martin ‘n baskitaarspeler is, is hy ook ‘n kranige baarshengelaar en vandaar sy bynaam Basvanger.

 
Martin Basvanger Labuschagne Tuesdays @ Cafe Barcelona!

Martin Basvanger Labuschagne Tuesdays @ Cafe Barcelona! 9,16 en 23 OKTOBER 2012!  Alle gelde wat ingevorder word, gaan vir Martin se hospitaalonkostes.

Ingang R100 p.p.

Navrae en besprekings : (012) 345 3602

Cafe Barcelona, Elarduspark, Pretoria

 

9 Oktober :

19:00 TBC
19:30 Vana

20:00 Hoot 'n Anny
20:30 The Barbosa Experience
21:00 Dawie,Sallas van Klopjag
21:30 Die Tuindwergies
22:00 The Dying Breed (SA)


16 Oktober: 
19:00 Marcato
19:30 Christoph Kotze
20:00 Andra
20:30 The Bar Code Bandits
21:00 Mercury Sage
21:30 Black Cat Bones
22:00 TBC


23 Oktober:
19:00 TBC
19:30 TBC
20:00 Gents Of Leisure
20:30 Jan Blohm
21:00 Brixtonmoordenroof Orkes
21:30 Enovelle
22:00 Mrs. B

 
Jan Blohm APP vir jou Smart Phone

As jy 'n 'SLIMFOON' het (iPhone, Samsung Galaxy, Blackberry, ens) dan kan jy die SPLINTERNUWE JAN BLOHM APP op jou foon he!! Inligting oor shows, musiekvideos, musiek, asook nuus is daarop! Die App sal gereeld opdateer word, so loer gereeld in en laat weet hoe die App vir julle werk!

Gaan net na  http://appr.at/janblohm1 vanaf jou foon om die App af te laai.
 

 
Martin Basvanger Labuschagne - ons lief jou, word gou gesond!

Martin Basvanger Labuschagne, my baskitaarspeler die afgelope odd 6 jaar, is gediagnoseer met SEPTICEMIA en is sedert Dinsdag, 25 September in die hospitaal, onder meer meeste van die tyd in ICU.


Septicemia is ‘n bakterieë in die bloed. Dit is ‘n ernstige, lewensgevaarlike infeksie wat baie vinnig erger kan raak. Dit kan ontstaan as gevolg van infeksies in die hele liggaam, asook infeksies in die longe, maag, en urienweg. 

Die simptome is onder meer kouekoors, hoë koors, vinnige asemhaling, vinnige hartklop, verwarring of ander veranderinge in die geestelike status, rooi kolle op die vel (petechiae en ecchymosis) en skok.

Daar word op die oomblik ‘n fondsinsamelingskonsert vir Martin gereel wat sal gaan vir sy hospitaalonkostes. Ons almal weet hoeveel hospitalisasie kos en ongelukkig is Martin nie op ‘n medies nie.

Ons sal julle voortaan op hoogte hou van Martin se vordering, asook die details van die benefit concerts.

Ons het aanbiedinge ontvang van persone wie ‘n finansieëlle bydrae wil maak tot Martin se hospitaalonkostes. Martin het nie ‘n mediesefonds nie en hospitalisasie is onbekostigbaar… As jy dalk ook ‘n bydrae kan en wil maak, doen gerus so in die volgende rekening :

M F Labuschagne
Standard Bank
Rek nr : 00 892 8150
Tak : Alberton
Takkode : 012342
Verw : Martin

 
PERSVERKLARING - RUBY

‘n Robyn is een van die heel hardste edelgesteentes, naas die diamant. Die dikwels donker rooi steen het koninklike kwaliteite en word in sekere kulture selfs in die fondamente van huise gebruik om voorspoed vir die huishouding te verseker. Ruby, die digter-rocker Jan Blohm se sewende solo-album, is ‘n harde, donker rock-allegaartjie wat soos ‘n aardbewing die fondamente van die Suid-Afrikaanse musiekbedryf gaan skud.

 

Met invloede wat wissel van Rage Against the Machine, Jimi Hendrix en wyle Johannes Kerkorrel tot Nirvana is dit ‘n vurige kitaargedrewe album wat die blues en folk van sy vorige uitreikings met ‘n nuutgevonde robuustheid verdryf. “Die robyn is ‘n simbool van adelheid, reinheid, iets onverkrygbaar asook absolute beauty. Maar dit beteken ook gevaar en verleiding. Dit is die twee pole wat ek gebruik het,” vertel Blohm wat reeds die afgelope vier jaar aan die album se liedjies geskryf en geskaaf het.

 

“Ek het karakters geskep om sekere gedagtes neer te lê wat persoonlik of uit ervaring kan wees. Op die oog af klink dit of ek oor dertien verskillende vroue sing. Maar die persoonlikheid van elkeen is vasgevang in ‘n robyn.”

 

Die kitaarspeler Jon Buckley was as mede-liedjieskrywer en –produksieleier aan Blohm se sy met die geboorte van Ruby. “Ek en Jon is musikale broers, so die inspirasie kom blitsvinnig. Jon het ook ‘n groter rock-agtergrond – lid van Jo Day en producer van Seether – en ek leer baie by hom. Ons werk soos jin en jang saam. Jon sal die geraamte van ‘n song neerlê en ek die lirieke en melodie reghê as hy klaar is. Die proses is dus baie vinnig.”

 

Al het die hele proses vier jaar geduur, bevat die album dertien liedjies. Dertien is Blohm se gelukkige nommer, en voeg hy by “in sommige gelowe ‘n simbool van opstanding en rebellie”. “Hierdie is ‘n groot middelvinger vir almal wat my judge en hul tyd spandeer om mense op verskillende media-webtuistes en blogs te kritiseer.”

 

Tussendeur die elektronika-bedrupte Poppie Blou wat die album inlei en “rock-psalms” soos Voodoo Queen, Undercover Lover en Brand die vure verskuif Blohm sy eie musikale grense. Soos Charles Smith onlangs in die Volksblad geskryf het: “Daar is nie nog só ’n rock-outfit in ons bitter taal nie. Vergeet dit. Dis ’n pitch black Cadillac (’n Blohm-metafoor wat deur sy songs zip) vol verrykte uraan. Dis stof vir kernbomme om Die Volk se koppe oop te blaas…”

 

Blohm is ver verby kruispaaie en Damaskus-ervarings. Volgens hom het die skille al lankal soos rowe van sy oë geval. “As daar ‘n rigting is waarin die mark beweeg, sal ek altyd stroom-op wees. Ek glo om die publiek uit te daag met iets wat ongewoon is.”

 

Ruby is soos ‘n stormram wat die deure van Suid-Afrikaanse musiek uit sy deurkosyne ruk. Blohm tree hier in gesprek met die grootste geeste van die rock-wêreld, maar steek terselfdertyd sy eie klem af. Dit maak Ruby ‘n album wat dekades later nog onthou sal word as die formidabele kopskoot wat met ‘n klipharde knal die veiligheid en voorspelbaarheid verdryf het.

 
Verdere Artikels...
<< Begin < Vorige 1 2 Volgende > Einde >>

JPAGE_CURRENT_OF_TOTAL